閨•家 (西九龍中心) (已結業)

上次陪同事去食过西九龙中心闺.家，返到公司我哋赞口不绝话好食，其他同事也想试吓，今日放工就约埋一齐去食晚饭。铁板猪扒炒出前一丁：佢哋嘅铁板炒面真系好有镬气，炒得又香又好味，猪扒软嫩，大大块重好入味，出前一丁面爽口够味！铁板鸡翼炒乌冬：乌冬都炒得好好味，加咗生菜增加口感，鸡翼都好大只又入味，煎至皮香肉嫩。咖喱鸡翼饭：呢间嘅咖喱系必食，咖喱系用上多种香料秘制而成，酱汁又香又浓，拣咗小辣，辣度啱啱好，捞饭食系食不停口。配嫩滑嘅鸡翼好惹味！所有饭餐都附送老火汤，老火汤足料够火喉，味道清甜。冻鸳鸯，冻饮和热饮都有优惠价。