影片
更多
2022-09-22
682 浏览
因工作关系，每个月都会嚟深水埗一次，所以每次都会因利乘便，在区内揾食。记得之前曾到访过汝州街𠮶间主打澳葡美食嘅餐室，食物质素唔错，大份又扺食，加上选择又够多，今日就一于食过返寻味。有人一坐低就点咗客咖喱牛坑腩饭 ($56) 而我就拣咗个猪扒包。牛腩份量好多，而且件件都炆得软腍入味，但又不失其嚼劲。咖喱汁味道亦啱啱好，浓惹得嚟又唔会过辣，用嚟捞饭真系一流。巨人猪扒包 ($36)：猪扒包即叫即制，送上时仍热烘烘，入面块猪扒差唔多有我成只手掌咁长，食落肉质好松化，啖啖肉又 Juicy，夹埋番茄、生菜一齐食，真系冇得输。另外点咗 2 款小食，金沙鸡翼 ($26) 外层沾上了咸蛋黄酱，而面头更洒满了咸蛋黄碎粒，食落咸香脆口，极度邪恶！炸马介休球 ($33) 味道亦不俗，将马介休混入薯蓉，做成榄形，再炸至金黄色，入口外香脆，内软绵，细尝更透出一点点鱼香，十分美味。甜品方面，一口气点咗三款，包括有出炉葡挞 ($12@)、热姜汁撞奶 ($28) 同 热杏汁炖奶 ($28)。平日都好钟意买葡挞做下午茶，呢度嘅葡挞水准亦唔错，挞皮层次分明，而且焗得金黄焦香，蛋浆够滑溜又重奶味，入口酥脆不油。 姜汁撞奶
记得之前曾到访过汝州街𠮶间主打澳葡美食嘅餐室，食物质素唔错，大份又扺食，加上选择又够多，今日就一于食过返寻味。
有人一坐低就点咗客咖喱牛坑腩饭 ($56) 而我就拣咗个猪扒包。牛腩份量好多，而且件件都炆得软腍入味，但又不失其嚼劲。咖喱汁味道亦啱啱好，浓惹得嚟又唔会过辣，用嚟捞饭真系一流。
巨人猪扒包 ($36)：猪扒包即叫即制，送上时仍热烘烘，入面块猪扒差唔多有我成只手掌咁长，食落肉质好松化，啖啖肉又 Juicy，夹埋番茄、生菜一齐食，真系冇得输。
另外点咗 2 款小食，金沙鸡翼 ($26) 外层沾上了咸蛋黄酱，而面头更洒满了咸蛋黄碎粒，食落咸香脆口，极度邪恶！
炸马介休球 ($33) 味道亦不俗，将马介休混入薯蓉，做成榄形，再炸至金黄色，入口外香脆，内软绵，细尝更透出一点点鱼香，十分美味。
甜品方面，一口气点咗三款，包括有出炉葡挞 ($12@)、热姜汁撞奶 ($28) 同 热杏汁炖奶 ($28)。
平日都好钟意买葡挞做下午茶，呢度嘅葡挞水准亦唔错，挞皮层次分明，而且焗得金黄焦香，蛋浆够滑溜又重奶味，入口酥脆不油。 
姜汁撞奶嘅质地好似豆腐花咁嫩滑，姜味浓郁又不辛辣；而杏汁炖奶口感亦非常滑溜，杏汁香味明显，滋润又养颜。
饮品点咗冰镇奶茶 (跟餐+$12) 同 红豆冰 ($22)。奶茶顺滑清香，甜度恰好；而红豆亦软腍有度，配上花奶，口感不俗。
张贴
