金鶴拉麵 (蜆殼街)

营业中

休息中

上次嚟过之后，一直都想再嚟食。所以今日又再嚟喇。叫返上次觉得好味既期间限定极浓牛骨汤拉面配慢煮豚肉叉烧同埋黑椒牛舌串。另外今次试下店长推介嘅极浓白鸡汤拉面（小份）。期间限定极浓牛骨汤拉面配慢煮豚肉叉烧：水准同上次一样都系浓浓嘅牛味，再配埋软熟多汁嘅豚肉叉烧。真系令人回味。店长推介-极浓白鸡汤拉面（小份）：原来呢个拉面唔止有2片鸡肉，仲加埋一块叉烧。其实性价比都好高。鸡肉一啲都唔鞋。鸡汤好鲜味。黑椒牛舌串：牛舌串质素keep到。佢用咗较好嘅牛舌部份。好易咬开。黑椒亦都好嘢味。烧嘅时间把握得好好。我仲见到佢个黑板写住，原来只需$168，就可以有四串指定串烧+两小时清酒或啤酒任饮。下次如果时间充裕啲，我都想试吓呢个。