影片
更多
2023-08-24
853 浏览
之前帮衬过蚬壳街𠮶间「红叶冰室」，食物大碟又抵食，选择又够多，性价比极高。趁今日嚟炮台山做嘢，一于食过返寻味。餐厅门面同内部装潢都以粉红色为主调，风格优雅，让人感觉非常放松舒服。 餐厅主打咖喱、焗饭/意粉、越式葱油同滑蛋系列，另外亦有几款午市套餐、蕃茄浓汤系列等供应。点咗蜜汁叉烧滑蛋饭 ($64) 同 老板娘推介嘅酸菜鱼米线 ($62)。米线汤头微酸微辣，鲜香得嚟又唔会太过油腻，非常醒胃。鱼片白滑鲜爽，无骨又无腥味，配上酸菜和豆卜，惹味十足。米线吸尽汤底精华，食落几有咬口，烟韧滑溜，啱我口味！至于另一客蜜汁叉烧滑蛋饭，卖相亦非常吸引，炒蛋混入了葱花，食落好香口，嫩滑又富蛋汁。叉烧肥瘦适中，软腍大块，香甜又有肉香。饭粒分明，唔会过干，以蛋汁拌吃，味道一流！跟餐饮品点咗杯热柚子蜜 (+$8) 入口甜甜地，内有柚子皮，滋润解腻。另一杯咖啡红豆冰 (+$8) 亦诚意十足，咖啡底浓而不涩，加埋绵密嘅红豆一齐饮，甜度啱啱好。
之前帮衬过蚬壳街𠮶间「红叶冰室」，食物大碟又抵食，选择又够多，性价比极高。趁今日嚟炮台山做嘢，一于食过返寻味。
餐厅门面同内部装潢都以粉红色为主调，风格优雅，让人感觉非常放松舒服。 
餐厅主打咖喱、焗饭/意粉、越式葱油同滑蛋系列，另外亦有几款午市套餐、蕃茄浓汤系列等供应。点咗蜜汁叉烧滑蛋饭 ($64) 同 老板娘推介嘅酸菜鱼米线 ($62)。
米线汤头微酸微辣，鲜香得嚟又唔会太过油腻，非常醒胃。鱼片白滑鲜爽，无骨又无腥味，配上酸菜和豆卜，惹味十足。米线吸尽汤底精华，食落几有咬口，烟韧滑溜，啱我口味！
至于另一客蜜汁叉烧滑蛋饭，卖相亦非常吸引，炒蛋混入了葱花，食落好香口，嫩滑又富蛋汁。叉烧肥瘦适中，软腍大块，香甜又有肉香。饭粒分明，唔会过干，以蛋汁拌吃，味道一流！
跟餐饮品点咗杯热柚子蜜 (+$8) 入口甜甜地，内有柚子皮，滋润解腻。
另一杯咖啡红豆冰 (+$8) 亦诚意十足，咖啡底浓而不涩，加埋绵密嘅红豆一齐饮，甜度啱啱好。
张贴
