生龍清湯腩 (已結業)

最近油麻地开咗间新店，唔讲唔知原来已经有20多年历史，采用新鲜骟牯牛，主打清汤牛腩，除此之外亦提供多款港式料理同小食，值得一提嘅系呢度嘅店员服务态度超级friendly，而且价钱都几亲民化，经过值得到访支持！毫不犹豫叫咗碗招牌嘅清汤腩河，汤底清甜滋味，肉质嫩滑可口，河粉软硬度适中而且够挂汁！鲜虾云吞面同样出色，以清水虾籽、泰国虾米、大地鱼、新鲜猪骨罗汉果慢火熬煮，云吞馅料饱满，一口一粒，面条弹牙，鲜甜。估唔到呢度仲有巴基斯坦咖喱，由本店创办人集合40多年烹调经验独家研制，可以选择大中小辣，香浓惹味，搭配薯仔同牛肉都几match，点埋薄脆又唔油腻嘅薄饼，性价比高☺️瑶柱娃娃菜牛腩以锅上，热辣辣唔怕放凉影响味道，配料吸满汤汁，超级入味，配饭一流、黑白胡椒煨牛尾份量比想像中多，胡椒调味令到整体味道升华咗，萝卜够淋又够甜，西洋菜都几新鲜。最后食埋甜品，唔甜，正，呢餐好满足呀！