Pizza Maru (屯門市廣場1期)

营业中

休息中

今日放假约咗成班兄弟过嚟食pizza Maru，已经好耐冇食啦 真系好挂住佢哋嘅Pizza，满满嘅人流，排左半个钟先有位入咗，晚晚都排晒大队，真系劲旺场。-餐厅环境好大灯光明亮，座位宽敞。头盘方面，我哋叫咗个柚子八爪鱼沙律 份量真系几多下，沙律菜好新鲜 酱汁甜甜地好好食，八爪鱼亦都唔会太韧 真系好钟意食火箭菜。-Pizza方面我哋叫咗肉食主义，听个名就知有好多肉，我哋成班男人食饭当然要多肉啦，包括有牛小排，鸡肉，火腿，车厘茄，西兰花，蘑菇等等，配料非常之丰富 个酱汁辣辣地好开胃。-然后叫咗个地中海墨鱼汁海鲜意大利饭，意大利饭佢煮嘅口感岩岩好，唔会冧或者唔会太硬，加入八爪鱼鱿鱼飞鱼子青口墨鱼汁等等，而且佢个摆盘都非常之丰富 出色又好味。-最后叫咗个烟熏鸭胸泡菜卡邦尼意粉，泡菜卡邦尼意粉好夹，少少辣辣地越食越开胃，食到停唔到口，而且鸭胸嘅份量都几多下，肉质Juice，而且估唔到一份意粉个份量都好大碟。