友義氣‧酸菜魚 (已結業)

餐厅有一半座位都系卡位，亦有大圆枱，坐得几舒服。星期六都有午市menu ，午市套餐同小菜都有。老坛酸菜鱼酸菜鱼既份量都几多，入面仲有薯粉、莴笋、金菇同芽菜等等配菜。佢可以简唔同程度既辣度，酸菜鱼汤底够晒酸，而值得一赞嘅系鱼都几有鲜味，薯粉好弹牙，好食。避风塘茄子呢味𩠌都几特别有惊喜，个人推介。首先佢嘅避风塘个种蒜香同辣椒好惹味，茄子炸到脆卜卜，但一咬落去好软好juicy ，𠮶一种反差，几有趣。最紧要佢好够镬气，够镬气先够干身同香口。冇谂过呢度主打酸菜鱼，啲小炒都得㖞。鸡丝粉皮麻酱够滑身，麻酱嘅味道就啱啱好正正常常，而个粉皮就煮得爽身有口感。水蜜桃梳打 芒果梳打梳打够气味道合适，另外值得一赞系杯嘢饮系佢仲有爆珠波波。呢度好适合想食酸菜鱼鱼，仲想食啲小菜小炒，餐厅职员都几friendly ，同啲食客有讲有笑。