Garden Bar & Restaurant

营业中

休息中

系尖沙咀除左酒吧多之外，原来都有又食得又睇得既酒吧餐厅。入到黎，已经见到个好似花园咁靓既打咭位。好，坐低睇下有咩好食先。明太子沙律，明太子压缩到方糖咁样，逐粒食都几方便，沙律菜都好新鲜。香烤鱿鱼串，鱿鱼烧得啱啱好，唔dry，食落有咬劲，近鱿鱼脚位置轻微烧焦好脆口，个辣汁又惹味。烤冬阴功鸡翼，除左鸡翼肥美之外，个冬阴功味就好似饮紧冬阴功酒咁。黑松露杂菌薄饼，薄饼够薄够脆，黑松露超香，啲菇菇又成条有菇味，仲有海量芝士，正！泰式烤牛肉，个牛肉色泽红润，食落又嫩又有牛味，隔离仲有个泰式酱调味。