泓 (已結業)

就到情人节，提早系屯门揾左间特别既餐厅预祝，第一次食铁板烧，师傅系你面前烧，价钱比起出面九龙既平返少少。我地叫左日本帆立贝牛柳二人套餐 $998一开始会先比茶碗蒸比我地食先。一路食既时候，师傅就准备食材同先煎啲配菜，用黎一阵伴碟用。茶碗蒸热辣辣，有啲茹菌系入面。广岛蚝蚝既size好大只，望落去貌相吾算太吸引，但味道非常好，食落有少少海水味，未至于完全熟透，所以好juicy。另外配左啲肉丝一齐食，几特别既食法。日本帆立贝同样好大粒，师傅系烧既时候已分开几份，方便进食。带子以牛油汁煮成，带子上仲放左三文鱼籽，增加鲜味。美国安格斯牛柳师傅会问我地要几成熟，我地拣左7成，对我地黎讲岩岩好。牛柳好软嫩，完全无根，几有牛味。配埋脆口又干爽既炸蒜片同甜薯食好完满。黄金炒饭 & 面豉汤配料以杂菜为主，吾系贵价食材，但炒饭炒到粒粒分明，几有水准。 面豉汤就正常发挥。炒什菜主要系芽菜较多。甜品系水果，有哈密瓜同菠萝。