影片
更多
2022-07-24
88 浏览
要庆祝周年纪念日，所以拣咗一直好想试嘅铁板烧。当时疫情好严重，但又好好彩最后五月头开返晚市堂食，所以去咗呢间相对地比较经济嘅铁人旨花食龙虾铁板烧二人前！首先一去到就上咗个藜麦沙律同龙虾腐皮汤饺影相可能影得唔系好清楚, 但系真系有龙虾肉一丝丝好好食，同个汤底-日式高汤好夹!!!第三道, 就系白雪鱼个鱼皮煎到好脆, 鱼身好滑，但唔算好重鱼味，配上洋葱煮成嘅汁真系好好味，个洋葱好淋入晒味平时唔食洋葱我都食晒😍第四道系海胆汁配龙虾，师傅将原只龙虾放上铁板烧，然后去壳，再慢慢煮，最后淋上海胆汁龙虾好爽口煮得啱啱好，不过唔算好有龙虾味，但配上个汁真系好好味，一人半份龙虾其实真系几多，因为都几漏。然后就有个花菇好香，煮到好淋好入味。食紧花菇之际，师傅就准备和牛。熊本A5和牛油脂味咁大爆发, 入口即溶真系好好食!!!一份大约有五至六粒一口和牛！好幸福！食到呢度其实已经几饱同漏, 不过贪心都会想食多几旧和牛XD 最后一道用铁板炒嘅饭-瑶柱樱花虾炒饭!! 师傅真系炒到粒粒分明，个饭好干身一啲都唔油。但我真系夹硬食，因为食咗几啖已经觉得好饱🙈最后仲有鸡汤饮(有虾同本菇系入面)，个汤好鲜!!!虽然可以拣水果或
首先一去到就上咗个藜麦沙律同龙虾腐皮汤饺
影相可能影得唔系好清楚, 但系真系有龙虾肉一丝丝好好食，同个汤底-日式高汤好夹!!!
第三道, 就系白雪鱼个鱼皮煎到好脆, 鱼身好滑，但唔算好重鱼味，配上洋葱煮成嘅汁真系好好味，个洋葱好淋入晒味平时唔食洋葱我都食晒😍
第四道系海胆汁配龙虾，师傅将原只龙虾放上铁板烧，然后去壳，再慢慢煮，最后淋上海胆汁
龙虾好爽口煮得啱啱好，不过唔算好有龙虾味，但配上个汁真系好好味，一人半份龙虾其实真系几多，因为都几漏。
然后就有个花菇好香，煮到好淋好入味。食紧花菇之际，师傅就准备和牛。
熊本A5和牛油脂味咁大爆发, 入口即溶真系好好食!!!一份大约有五至六粒一口和牛！好幸福！食到呢度其实已经几饱同漏, 不过贪心都会想食多几旧和牛XD
最后一道用铁板炒嘅饭-瑶柱樱花虾炒饭!! 师傅真系炒到粒粒分明，个饭好干身一啲都唔油。但我真系夹硬食，因为食咗几啖已经觉得好饱🙈
最后仲有鸡汤饮(有虾同本菇系入面)，个汤好鲜!!!
虽然可以拣水果或者雪糕作为画上呢餐饭嘅完美句号。最后拣咗蜜瓜, 因为真系饱到紧要，无quota 食雪糕，全餐都真系又好睇(睇住师傅表现)又好食!!!好开心🥳
张贴
