侍元

营业中

休息中

晚饭时间，都有位剩，唔驶等。叫完嘢食，坐低等呼叫器响闹取餐。等唔系好耐就有得食。本来散叫嘅，但喺收银介绍餐抵啲。有饭有汤同炸物。餐饮我唔要柠檬茶，因为觉得唔系好夹日式食物，所以改咗要豚肉味噌汤。汤唔太咸，有好多菜干同新鲜菜，足料，味到唔错。豚肉咖哩饭🍛，啲咖哩系食开日本嘅咖哩味，好钟意食。啲肉丁唔算好细粒，唔靱，都ok。啲饭就腍得济，有啲一擗擗咁，不过同啲咖哩捞埋一齐食又好夹，唔觉得腍。本来叫芝士虾饼，但系冇，所以叫咗南瓜饼。南瓜饼炸得好脆，热嘞嘞嘅。入面嘅馅系橙色嘅，但系南瓜味只系有少少，唔够特出，反而有薯蓉味，仲甜甜哋，应该加咗糖，不过甜度啱啱好，加上我都钟意薯蓉，所以都钟意食呢个南瓜饼。