影片
更多
2024-04-15
813 浏览
约咗朋友仔去佢屋企打pubg，打机前当然要医饱个肚仔，但系出面街有啲热，朋友就叫去一间附近几出名嘅海南鸡饭上去佢屋企食。去到门口见到系一间主打星马菜嘅餐厅有喇沙同侵侵去到海南鸡饭都有，甚至海南鸡饭都有两款。见到一个系黄油鸡，另一款系走地鸡，因为依排要减肥，所以店员就介绍咗走地鸡俾我，朋友就话要香煎猪颈肉汤米，另外我就嗌多咗猪肉同鸡肉串烧。见到依家餐厅应该都有啲名气，落单嘅时候都见到佢哋嘅外卖机系咁响。见到佢其实有一人便当餐，不过朋友屋企有嘢饮，所以就唔加嘢饮了。等咗大概10分钟就已经可以攞走店员嘅包装技巧都好好，一个袋就已经载晒咁多样嘢，放得好平均，所以我拎过去朋友屋企嘅时候都冇任何倒泻嘢嘅情况出现。打开个盒，所有美食都好香，份量都好足。先讲猪颈肉米线猪颈肉米线有格开到，所以就唔会变得好腍，而汤应该系猪骨汤，系咁饮都唔会觉得好口渴，入边有几粒鱼蛋同埋豆卜，豆卜索晒汤汁，鱼蛋都系弹牙嘅。猪颈肉就肥瘦适中，肉味好重，唔会话有雪味，而且烹调得好适中，一咬即断，唔会好韧同埋好柴，食落去仲有猪颈肉嘅焦香味。然后讲海南鸡，冇其他海南鸡嘅外表咁金黄，但系佢做到皮薄肉滑，冇平时食咁多海南鸡咁多啫喱喺度
等咗大概10分钟就已经可以攞走店员嘅包装技巧都好好，一个袋就已经载晒咁多样嘢，放得好平均，所以我拎过去朋友屋企嘅时候都冇任何倒泻嘢嘅情况出现。
打开个盒，所有美食都好香，份量都好足。
先讲猪颈肉米线猪颈肉米线有格开到，所以就唔会变得好腍，而汤应该系猪骨汤，系咁饮都唔会觉得好口渴，入边有几粒鱼蛋同埋豆卜，豆卜索晒汤汁，鱼蛋都系弹牙嘅。猪颈肉就肥瘦适中，肉味好重，唔会话有雪味，而且烹调得好适中，一咬即断，唔会好韧同埋好柴，食落去仲有猪颈肉嘅焦香味。
然后讲海南鸡，冇其他海南鸡嘅外表咁金黄，但系佢做到皮薄肉滑，冇平时食咁多海南鸡咁多啫喱喺度，咬落去虽然唔算话鸡味好重，但系食得出佢嘅甜味，而且鸡肉亦都好嫩。反而就系因为佢肉味唔算话太重，所以点唔同嘅汁就有唔同嘅协同反应，佢辣汁方面有啲似泰式嘅酸辣汁唔算好辣，但系点一点之后就为呢个夏日带嚟清新嘅感觉，而姜蓉呢佢就磨到好细致，就唔会咬落去又好辣嘅情况发生，豉油就唔会算好甜，就咁单食都可以。鸡饭又好香嘅鸡油味相对上就唔会太重嘅香茅味，食落去软硬度啱啱好。鸡汤非常清甜，而且入边仲有薏米。
最后讲讲个沙嗲串烧，沙嗲酱非常香口咬落去仲有一粒粒嘅花生增加口感，猪肉同鸡肉都冇过熟嘅情况发生，口感亦都系非常之爽口，尤其鸡肉嘅姜黄粉腌得非常入味，值得下次再买嚟食！
张贴
