影片
更多
2019-06-16
2096 浏览
因为近地铁站同埋突然好想食鸡煲嘅关系🤣，所以黎左呢间餐厅，上到先发现好似系开张第一日，仲劲多花牌，真系第一次食间咁新嘅店。招牌金啫之锅（$188/人）任食120分钟，主要用秘制黄酒同鸡煲酱黎调味，再加入芫茜，食落好够味，特别钟意果只少少麻嘅味道（叫左少辣），鸡肉本身都嫩滑多汁，闻落仲好香。食到七七八八嘅时候，店员就推架车仔黎，因为店内有摸蚬活动，每枱二至四人可以摸一次，用双手摸得最多仲可以登上「摸蚬龙虎榜」（一星期update一次）。头奖系价值$2500嘅日本机票，二奖系价值$1000嘅旅游券，而三奖系价值$500嘅旅游券😍😍。就算登唔到龙虎榜都系摸几多食几多，仲有专人黎啫👍🏻，质素仲唔差，蚬肉肥美又新鲜。不得不提，因新店开张，所以每人获赠两只鲍鱼，另有蛏仔同蟹可选其一。之后就系交返俾店员啫肥牛乌冬，都十分惹味。接著就到火锅时间，拣左店内推介嘅蕃茄汤，蕃茄味十分浓郁，仲可以出去任拎火锅配料，包括羊牛肉、肠仔、肉丸、鱿鱼同蔬菜等，仲有唔少饮料可选。最后系估唔到甜品系秘制足料雪燕，椰香味好重，仲啖啖爽口燕窝。可见呢个价钱食到咁丰盛又高质，性价比真心高，值得一试，分分钟仲可以赢转日本机票返黎
招牌金啫之锅（$188/人）
任食120分钟，主要用秘制黄酒同鸡煲酱黎调味，再加入芫茜，食落好够味，特别钟意果只少少麻嘅味道（叫左少辣），鸡肉本身都嫩滑多汁，闻落仲好香。
食到七七八八嘅时候，店员就推架车仔黎，因为店内有摸蚬活动，每枱二至四人可以摸一次，用双手摸得最多仲可以登上「摸蚬龙虎榜」（一星期update一次）。头奖系价值$2500嘅日本机票，二奖系价值$1000嘅旅游券，而三奖系价值$500嘅旅游券😍😍。就算登唔到龙虎榜都系摸几多食几多，仲有专人黎啫👍🏻，质素仲唔差，蚬肉肥美又新鲜。
不得不提，因新店开张，所以每人获赠两只鲍鱼，另有蛏仔同蟹可选其一。
之后就系交返俾店员啫肥牛乌冬，都十分惹味。
接著就到火锅时间，拣左店内推介嘅蕃茄汤，蕃茄味十分浓郁，仲可以出去任拎火锅配料，包括羊牛肉、肠仔、肉丸、鱿鱼同蔬菜等，仲有唔少饮料可选。
最后系估唔到甜品系秘制足料雪燕，椰香味好重，仲啖啖爽口燕窝。
可见呢个价钱食到咁丰盛又高质，性价比真心高，值得一试，分分钟仲可以赢转日本机票返黎🥰。
张贴
