Roti Tori (已結業)

我哋真系好钟意食鸡！Roti Tori 已经食过几次，encore 得因为佢啲鸡真系好嫩，又入味。Roti Tori 主打系烤鸡，佢整得真系好好，连鸡胸都唔会柴。烤鸡一啲都唔油，唔会食完好guilty。佢用啲鸡都系比较细只，以前一只两份分就会觉得唔系好饱，今次叫咗一只半，仲加多条番薯，就真系好饱喇！特别题一题系佢啲酱，佢有四款，红色系hot sauce - 辣酱，都几辣，不过只系入口𠮶下，冇余辣。Yellow sauce系柚子，我最钟意，够清新，又唔似普通餐厅𠮶啲用柠檬加糖咁酸咁甜，柚子味系好出同时唔甜，天然味。Green sauce 系蒜油味，似平时斩料𠮶只葱油味，同埋都几咸 。好似仲有一只系miso, 未试过。赞完佢个柚子酱，又要赞埋佢个柚子沙冰，都系唔会好甜，反而柚子香、涩味重，我反而钟意咁样。仲有佢个番薯，本身谂住塞饱自己，番薯系冇咩特别嘅，特别系个酱，系焦糖牛油，我未试过咁样同番薯食，令到旧番薯好滑又好又多咗一层焦香味。整体我觉得好高质。