影片
更多
2019-07-19
57 浏览
今日系大角咀见完客，十级肚饿。见到鸡煲任食+打边炉任食就流晒口水。就帮衬左呢间「食鸡」。又几有惊喜㖞，地方宽躺，位置阔落。坐得几舒服。鸡煲种类有好多种，全部都好创新，比较少见。多心嘅朋友仔唔使怕因为任食嘅关系可以是一只味再转另外一只味食。朋友唔食得辣嘅关系，叫咗秘制椰香鸡煲。鸡煲上枱，漏斗计时，再倒入香料捞两捞就食得啦。（店员会好贴心咁帮手）啱啱喺泰国旅行完返嚟，但呢个鸡煲竟然令我好似返返去泰国咁。香茅、罗勒叶、青柠同椰青味配搭得啱啱好，令我有返咗去泰国感觉。香料好惹味，鸡肉都几滑而且大小砌得刚好。除咗鸡里面仲有栗子同埋芋头。不得不提芋头劲粉同腍，吸晒个汤。平时唔钟意食芋头嘅我都觉得超级好食。钟意食芋头嘅记得拣多芋头。虽然好想试吓其他鸡煲，但系食完一个煲之后已经饱🤣仲想试埋个火锅🍲，所以其他口味就留返下次试。食火锅可以拣用返原本个鸡煲就咁加汤或者转蕃茄薯仔汤。因为太钟情于个椰香汤底，所以拣咗就咁加猪骨汤。但加咗汤之后，冲淡左，冇原本咁香浓，觉得拣返嘅薯仔汤打边炉会好啲。佢预先会有一set火锅配料。睇落都几丰富。所有嘢都唔错。个黑毛猪最有惊喜，爽口得来又有猪肉味。食完唔够仲有点菜纸只俾你
又几有惊喜㖞，地方宽躺，位置阔落。坐得几舒服。
鸡煲种类有好多种，全部都好创新，比较少见。多心嘅朋友仔唔使怕因为任食嘅关系可以是一只味再转另外一只味食。朋友唔食得辣嘅关系，叫咗秘制椰香鸡煲。
鸡煲上枱，漏斗计时，再倒入香料捞两捞就食得啦。（店员会好贴心咁帮手）
啱啱喺泰国旅行完返嚟，但呢个鸡煲竟然令我好似返返去泰国咁。香茅、罗勒叶、青柠同椰青味配搭得啱啱好，令我有返咗去泰国感觉。香料好惹味，鸡肉都几滑而且大小砌得刚好。除咗鸡里面仲有栗子同埋芋头。不得不提芋头劲粉同腍，吸晒个汤。平时唔钟意食芋头嘅我都觉得超级好食。钟意食芋头嘅记得拣多芋头。
虽然好想试吓其他鸡煲，但系食完一个煲之后已经饱🤣仲想试埋个火锅🍲，所以其他口味就留返下次试。
食火锅可以拣用返原本个鸡煲就咁加汤或者转蕃茄薯仔汤。因为太钟情于个椰香汤底，所以拣咗就咁加猪骨汤。但加咗汤之后，冲淡左，冇原本咁香浓，觉得拣返嘅薯仔汤打边炉会好啲。
佢预先会有一set火锅配料。睇落都几丰富。所有嘢都唔错。个黑毛猪最有惊喜，爽口得来又有猪肉味。食完唔够仲有点菜纸只俾你点。不过我哋食完一set已经饱到上心口。
另外出边仲有蔬菜柜同饮品柜，俾你自取。种类都几多。
食完呢餐真系大满足。
张贴
