喜來稀肉 (已結業)

今晚好开心，一早订咗枱去食韩烧，虽然 Lee 间店有限时只得1个半小时用餐，还好唔算太赶，不过如果人多去食，想倾下计就无咩时间啦！今次总共试咗3样嘢食："喜来五花肉配特制酱汁"：望落好似好肥咁，烧嚟食又唔会好油腻，口感都唔错，肉味都好，加埋甜甜地嘅韩式酱料，正！"喜来烤肉-牛"：系推介食物嚟㗎，摆得好靓成朵花花咁，肉汁好多好鲜甜，烧出嚟有D似肥牛，感觉唔会食得太多肉。"水冷面"：有冰系个汤入面，酸酸地好开胃，我之前系韩国都食过，冰冰凉凉，对住个炉食水冷面，感觉超爽呀！Lee 间店最开心嘅就系有好多嘢都有得任食，嘻嘻~ 小小贪心咁啦！ 任食鸡蛋：有两款味道，芝士味唔辣好香；泡菜味小小辣好惹味，超赞呀！任食生菜：好新鲜好爽，好干净，用佢包烧肉最好，唔怕热气。任食前菜：泡菜，味道唔错，小小辣，我哋 3 个都食到。任食前菜：洋蒽，浸咗调味汁，酸酸地，加入生菜同肉包住一齐食，好美味。任食生菜沙律：Lee个味道就一般，我自己就唔钟意。仲有个汤水，清清地咁啦！