肆年八月米線專門店 (已搬遷) 新店位置

今餐最推荐系：鱼饼好出色👍🏻👍🏻👍🏻奶茶超正米线唔知由几时开始变咗香港人头等美食，谂唔到食唛嘅时候提议食线，几乎冇人会拒绝😅连锁米线开到成行成市，独立舖都几难差到只脚入呢个Market，除咗食物质素，最紧要就系用特色去突围而出。讲真丫，连锁𠮶啲系味道稳定又惹味嘅，但系始终都系食到好重味精😆所以一得闲都会想试吓啲独立米线舖🍜🍜大围呢间村屋米线屋真系好隐蔽，虽然对面就系屋邨，唔算偏僻，但唔突登揾系唔会见到。去到马路望咗阵唔觉有，行入少少转个角先就望到，装饰得好有日本街边拉面屋嘅feel，好悠闲☺️米线汤底同食材都几多选择，不过全部嘢售完即止，夜咗就未必齐。米线面质偏硬身咬口ok。清汤可以再淆耐啲啲肉味会再出啲，偏淡但冇味精感嘅。小食有十零款，叫咗个鲮鱼饼同炸云吞。