吉豚屋吉列豬扒專門店

营业中

休息中

吉豚屋都食过几次嘅，一路比我嘅印象都唔差至少唔会中伏，估唔到今次食食吓张枱爬咗只曱甴出嚟......本身我同男朋友嘅野食已经嚟咗，食咗大约10分钟左右，我男朋友就见到有只曱甴系我餐盘边度爬...只曱甴就唔系喺食物度爬出嚟嘅，我估系喺啲枱底啊地下爬上嚟，咁我男朋友就好Man咁用纸巾捉咗只曱由🥺🥺咁之后当然系叫经理啦，经理知咗系有讲声唔好意思嘅，但之后竟然话「正常㗎系咁㗎，可能天气潮湿又或者有时清洁得唔干净...」不过佢都有话洗唔洗换过个新嘅餐之类挽回民心嘅说话嘅，不过我哋知只曱甴唔系由食物走出嚟就算，不过之后食咗1,2啖都无咩胃口，我哋其实系好客气咁同个经理讲无发脾气，不过可能佢见我哋太客气有礼貌，我地亦无request 啲咩，佢到最后嘅处理手法就系dom咗只曱由同照收我哋钱哈哈，我谂我无咩事以后都唔会嚟。题外话，鸡排炸粉有啲多，食落有啲济同热气，汤嘅味道就比之前淡咗，猪肉得一块好多萝卜，而猪排就正常嘅。