四季禅 (已結業)

哈哈，食buffet跟set就叫semi-buffet，亦即半自助餐。原来日式都有咁serve法，我就叫佢半放题啦。今次一大班朋友，无视父亲节围埋食四季禅。每人一个乌冬/主食，再狂食任食嘅天妇罗炸虾、鹅肝多士、6款刺身、寿司。今次真系挂住食，无咩影相，好饱好满足。先讲主食，我地大部份人都叫左和牛乌冬同北海道雪场蟹配大砚乌冬。和牛嘅真系好滑，入口即溶，而蟹嘅蟹肉同大砚都好甜。个鸟冬同一般不同，而系较粗身，有种q嘅感觉，好好食。之后食左无5件都有4件鹅肝多士，即整而且好脆，完全系正到爆。天妇罗只得虾就略微少左d选择，但其实算炸得几好。刺身即叫即切好新鲜，吞拿鱼刺身无渣抵赞。最后要赞系个太子同海胆寿司，饭量少少地，但太子同海胆都多，而且鲜甜好食。返食指数3.5星(最高5粒)，因为一个人都唔平嫁，而且自己食量唔大。不过如果大家食量大，又想坐得舒服睇下靓景，真系好应该一试！