家之味

营业中

休息中

新一年2023年2月9日又再带一大班朋友到此新春聚餐，食物新鲜又有惊喜，朋友都好满意，大家一早到达唱K，打麻雀，大笑大叫，都唔怕俾人投诉呀，因为可以包场，大家都觉得最正系可以包场食玩唱倾。7时入座享受前菜食左猪脚仔（大细适中，大家食得有仪态），水鱿鱼（呢度菜好有风味呀），椒盐🦑（好正，够野味）送啤酒一流呀。「金银蒜炸蚝」，大大只好好味「XO酱肠粉大虾」，咪讲笑成个煲食到见底，太野味配菜都食哂，肠粉入哂味，好好食。「老椰子鸡汤」，清甜「白雪肉山大扇贝」，呢味唔使讲，我次次必食架，新鲜好味。「盘龙地头鳝」，自己煮唔到架，要新鲜处理才有嫩滑烟韧肉质，食到呢度大家都已经饱饱地，但都食哂，仲话好饱。「荷叶虫草花鸡」好好味，有荷叶香味，饱饱地，大家都打包走，唔好浪费食物。「富贵黄金炒饭」好香呀，但已经好饱饱，打包啦。最后唔小得就系最滋润糖水「红枣元肉桃胶雪耳茶」大家食到肠满肠肥，（肚腩）满载而归呀。下次下次一定再帮衬。