名峻會 (莊士倫敦廣場)

营业中

休息中

想要私隐度高但系又唔想太贵嘅餐厅，呢间就啱啦！餐厅属于简约装修，环境干净，即使两个人都可以坐房，可以放心同朋友畅所欲言...服务员全程态度都好好，细心，会介绍房内设施，又好好笑容 👍🏻手拍青瓜微辣爽口，唔错嘅开胃菜，细细碟，但叠得几高下，份量唔小。咕噜肉味道偏甜，新鲜炸起，外脆内软，食落啖啖肉，好适合食肉兽，而且送饭一流，如果用新鲜菠萝就更一流。金薯蜜椒牛柳粒味道浓郁，牛柳粒炒得刚刚好，薯仔亦入味，好味，下次会再叫。椒盐鸡软骨份量唔小，炸得啱啱好，上面有少少椒盐粉，好食福建炒饭好好食，又唔会太咸，如果唔想食太干嘅饭，福建炒饭就啱你，分量十足，抵食临走嘅时候，服务员仲同我哋介绍，佢哋有一个大房，可以容纳10几人。可以唱K,打麻雀。约齐三五知己一齐去玩下食下都唔错。或者家庭聚会都可以选择。