花園餐廳 (已搬遷) 新店位置

我从未食饭食到咁嬲，如果当时我唔系同个仔一齐，我谂𠮶个经理一定会渡过难忘嘅一晚，话话𠮶晚我哋一家四口去食饭，我哋叫咗一个西冷牛扒，一个牛柳，一个晚餐，个牛扒同牛柳都系7成熟，牛扒出嚟个样OK，但块扒就好韧，切都难切梗何况食，咬唔到㗎，咁我哋就揾经理啦，个经理过到嚟我哋照讲咩事啦，佢一句唔好意思或者对唔住都冇讲，只系同我讲咗句「啲牛扒全部都系咁，一系你食过另一样」，我唔系好明咩叫全部都系咁，佢讲呢句𠮶刻个样劲乞人憎，好似有啲睇唔起我咁，因为嗌西冷牛扒𠮶个系我个仔，佢得十岁，个经理嘅眼神好似系觉得我个仔唔识食咁，但我同我老公都有试过，连我哋大人食都唔唔到，我哋先出声，百几蚊个扒，虽然唔系好贵，但唔系要食啲咁嘅嘢啩，茶餐厅几廿蚊𠮶啲仲好过佢，咁我做乜要拣个又贵啲又难食𠮶间啫，唔通真系钱多洗唔晒咩，最后佢换咗个什扒俾我，就系相𠮶一份，你哋睇吓啲汁，正确嚟讲佢应该称唔上系汁，一啲杰嘅感觉都冇，直头系一滩水，仲要系唔热嘅，佢倒汁𠮶时我哋已经觉得奇怪，个经理话啲汁系咁㗎㖞，我哋咪照食啰，虽然张相净返条骨，但并唔系好食食晒，而系我哋要张其他嘢搬去另一只碟先，因为切𠮶吓啲所谓嘅汁飞晒出嚟，咪拎开晒啰，