影片
更多
2015-01-02
5550 浏览
谂住新年第一餐，一场落到尖沙咀，打算摞个好意头，无谓食老麦、鱼蛋粉，于是四围行揾间正餐少少的食宵夜。点知四围行，间间爆，第一次路经呢间见有位，咁咪入去帮衬啰。由于果时已经凌晨两点，醒目问定侍应几点收，佢话三点，咁OK收到哂，我就唔叫有排食的烧烤，是但叫左个餐牌写住HKD120.00的辣海鲜汤面，另外女朋友想食韩式寿司，餐牌系无的，问个疑似老板娘的阿猪妈，佢话一份唔卖，要叫两份，OK新年流流佢话点就点啦，照叫。一坐低冇耐，热茶两杯送上，例牌嫁啦，然后黎九小碟－系我有史以来食过最差的九小碟。之后黎个辣海鲜汤面，冇影到相。再黎孖份韩式寿司－紫菜稔哂，馅料普通，自己响屋企整都唔会差过佢。好嘞，食物实在系太是但求其，因此无话可说，大家先睇睇张单几钱，更好睇的内容响题外话度继续讲－埋单系HKD341.00
一坐低冇耐，热茶两杯送上，例牌嫁啦，然后黎九小碟－
九小碟
327 浏览
0 赞好
0 留言
之后黎个辣海鲜汤面，冇影到相。
再黎孖份韩式寿司－
韩式寿司
$190
321 浏览
0 赞好
0 留言
好嘞，食物实在系太是但求其，因此无话可说，大家先睇睇张单几钱，更好睇的内容响题外话度继续讲－
埋单系HKD341.00
题外话/补充资料：
如前言，我埋位之前就问左侍应，我两点钟入去，佢话三点钟收，好嘞，咁我谂住得一个钟食，什么大堆头二人餐，烤肉就无谓叫啦，废事新年流流阻人收工，咁咪是但叫个面加两客寿司啰，合情合情啦系咪？跟住就出事嘞，我一路食，一路有客食饱松人，又一路有新客入黎，仲要叫烧烤㖞！我心谂唔系挂，差唔多两点半喇㖞，你地仲叫烧烤？点食得切呀？三点打烊㖞！
跟住犀利嘞，前文所讲疑似老板娘的阿猪妈无啦啦自动自觉放低左个外卖盒再加个胶袋，我心谂，丫韩国人真系体贴，见到我地Ｄ寿司食得慢，谂住我地会打包，真系醒目。（后来至知自己傻猪猪。）
大概二十分钟后，另一个阿猪妈行埋黎用唔纯正的广东话讲：「无台，快Ｄ食！」哗我两个人食九小碟＋一个辣海鲜汤面＋两份韩式寿司，都未食够一个钟，洗唔洗赶客呀？仲有㖞，你地唔系收三点咩？咁有新客你地又做？仲要系明明成间舖仲有两张四人台，出面冇人等位㖞！咩事阿猪妈？！？！（疑似老板娘的阿猪妈的体贴外卖盒实为无声催客令，明哂！）
好我算，我自己行入黎我抵死我认命我埋单，一睇张单，HKD341.00。
我心算一下，九小碟例牌送的，茶都系送的，即系话条数系－
HKD341.00 减 辣海鲜汤面 HKD120.00 * 110%（连加一即系HKD132.00） ＝ HKD209.00
咁即系话两份烂鬼寿司只会系HKD190.00，刚好加埋一就系HKD209.00
元旦日，食个加双甚至加三寿司又如何？又贵又难食仲要服务劲差，好，我接受现实。
返到屋企，谂一谂，唔系㖞，我受得住，无谓令其他人受罪丫，不如上OPENRICE写一写先。点知一打开佢间舖个食评一睇，呵呵呵，原来我又傻猪猪了，大把巴打丝打早就写左，系我冇睇就帮衬咋！
所以话：「食饭，胜在有OPENRICE；唔睇，真系好易出事。」
(以上食记乃用户个人意见 , 并不代表OpenRice之观点。)
张贴
