飯意主題餐廳 (已結業)

旺角，自从返工之后都好少行过黎了。唔系因为淘宝个兔笼有得攞货，都未必会过黎行一行。又收到屋企话唔煮饭就自己系附近搞掂。呢间餐厅之前有约过朋友黎食，但可惜放左飞机无缘一试。今晚就自己食一食了。打开餐牌花多眼乱，就点指兵兵左一个餐。就系落完单之后，收到个FD话系附近，就捉埋佢陪食了。因为朋友话唔肚饿只系要左个温泉玉子沙律就够了。我就跟餐都有个沙律。两者用料都差不多，罗马生菜同粟米粒都几甜而个胡麻酱酸甜度啱啱好，而且芝麻味几香同啲沙律菜配合得唔错。但略逊一筹嘅系个蒜茸包，脆度同香味都唔算突出。不过温泉蛋真系滑溜非常，蛋香同调味都足。唔错。系朋友打机嘅同时，我个主菜都到了。巧合地，个饭都系有温泉蛋的同样无令人失望，都系咁滑溜同有蛋香。大伞菇真系几有鸡脾菇嘅口感，但菇香味就再重啲同厚实。焗完仲保持到水份同个芝士汁几夹。薯饼黎讲由细食到大都系觉得麦记𠮶只好食啲。呢度嘅虽然都炸得香口，但太大块同薯仔味唔够。不过混和落咖哩汁就个感觉返晒黎因为系偏和风同甜啲嘅。个饭虽然系由炸物同咖哩呢啲重口味嘅配搭出黎，但整体食完都唔算太饱济，可能系个效果似和式嘅关系。系食完嘅同时，朋友都啱啱打完一个回合机，大家边食边