港青宴會廳

营业中

休息中

今日学会系YMCA 上堂，lunch book 左围餐食。8点几上堂上到2点先饭食，大家都饿到爆炸。先上左个外型有诚意既四色拼盘：椒盐豆腐粒、陈醋云耳、红油粉皮、葫麻茄子。豆腐粒个皮个炸得唔错，本身以为系热，不过谂谂下始终系头盘。不过豆腐粒始终都系热既好食D😄 红油粉皮用既系辣油，小编虽则唔系好食得辣，不过都觉得可以接受。之后就上左个我最爱食既粟米斑块😍，虽然呢款菜一般茶餐厅/ 酒楼都会有，而且好少整得唔好食，但呢度既粟米斑块就真系整得一般般啦。好厚粉，入边既鱼柳质地唔滑，又无味😅南乳炸鸡件算系比较好食，香口，士多啤利酱甜甜酸酸几开胃。镇江排骨- 肉质炆得几焾，可惜咸左小小。