Nun Desserts Cafe

营业中

休息中

呢间开到好夜，之前同班朋友食饱饭，未够喉就会过嚟呢边食甜品。难得咁齐脚，可以一次过嗌多几样嘢食，咩都有得试吓呀嘛！～韩式魔鬼OREO碎碎雪奶 ：好似食紧脏包咁，OREO碎碎覆盖晒成个冰，食完成个咀都好脏，但真系好好味！ 迷人草莓韩式牛奶软雪糕：好似芭菲咁，士多啤梨味道，又酸又甜，加埋士多啤梨果肉同糖浆，简直系迷人pink lady咁呀！韩式芒果芝士蛋糕雪糕窝夫：一块大大、厚实嘅窝夫，上面有新鲜切粒芒果、忌廉、方形嘅芝士蛋糕同埋芒果雪糕，好丰富，好饱肚。海洋荒岛(荔枝味)：海洋嘅颜色，好梦幻，睇到都好消暑！上面仲有一球云呢拿味嘅雪糕，仲有粒粒椰果，好有口感架。