東喜茶 (已結業)

东喜茶听就听得多，但系饮就真系第一次。咁啱返工系铜锣湾附近，食晏又经过登龙街，见今日竟然冇咩人排队，所以就行咗入去试下，入到去楼底好高，装修好靓，仲有地方俾人坐，感觉好舒服。见到我最爱嘅绿茶同紫薯都有得拣，真系谂左好耐，最后拣咗个冻既芝士奶盖绿茶。其实都唔平，要成$43杯。不过都好大杯。一如既往，都有专系for饮芝士奶盖嘅盖，等你头几啖可以一路饮奶盖一路饮底下啲绿茶。佢个芝士奶盖打得好。唔会太咸，味道啱啱好，个绿茶都好好饮，不过我就嫌唔够绿茶味，如果再浓啲就好喇