瑞士咖啡室 (已結業)

今日过黎坑口揾男朋友食午餐，佢带左我去瑞士咖啡室食。餐牌有好多选择，好多都好想食，结果叫左好多野食，食到饱饱。早餐供应到12:00劲晏，所以叫左一个西多士早餐。西多士厚身，中间搽左花生酱，面头有一旧牛油，俾糖浆你自己落。食落唔油腻，外脆内软，邪恶既食物总系好食既。瑞士常餐B，火腿奄列足料，瑞士鸡髀软腍入味，意粉正常水准。咖哩牛脷饭唔算辣，牛脷软腍，咖哩汁捞饭好下饭。散叫一份公司三文治，材料丰富，夹住生菜、番茄、芝士、方包、蛋、火腿、午餐肉，好饱肚。三个餐有三杯野饮，叫左咸柠七、紫薯藜麦特饮、热奶茶(茶走)。食到中途，侍应姐姐好热情甘讲我地既芝士蛋沙律多士好好食架，得我地先有架。搞到我地叫左份黎食，的确好食，甜甜地，推介！