龍鳳祥餃子館 (已結業)

星期四澳牛休息, 见隔离开左间饺子馆, 钟意食饺子既我梗系要试下啦。蕃茄蛋饺皮厚薄适中, 可惜淋左啲, 包住满满既蕃茄蛋, 蛋香几浓, 仲有酸甜既蕃茄粒, 好开胃。蕃茄汤底微杰身, 蕃茄味反而唔太重, 如果酸返啲就更好。韭菜饺子好重韭菜味, 肉味鲜甜, 汤底好浓牛味, 配埋一齐食够哂香浓惹味。猪耳好爽脆, 咬落sok sok声, 带麻辣既味道, 几啱重口味既人。豆浆偏甜豆味唔太浓, 一般。呢度开左冇几耐但系客人都唔少, 大慨系环境干净舒适食物价格又唔贵既关系, 钟意食饺既人不妨试试!