野豬會 (已結業)

未写过食评，今次第一次！本身喺楼上返工，未试过谂住试下呢间餐厅。点知谷到一肚气！一行五人十二点几落去食，睇完餐牌，四个人首先点左三个泰式肉碎炸蛋饭，一个日式咖哩吉列猪扒饭，起初话三个泰式饭要转意粉，其实十二点几落去都无饭我都唔知点解，之后最后一个五分钟后叫左烧春鸡意粉，嗌野饮我叫左个”冻斋啡走甜”，个侍应好疑惑，我问佢系咪无，佢话唔系，头四个叫嘅野食十分钟内都出到餐，最后一个等左足足三十分钟，同事要将碟野倒落肚，因为两点要开会，仲要搞到埋单好赶无睇到，之后先见到原来”冻斋啡走甜”=冻即磨咖啡(+$14-有单证明)，大佬呀，你一早唔出声！写住冻饮嘅咖嘛只有即磨𠮶只嘛，鬼知你咁大间野连杯普通咖啡都无咩，所以几位同事都觉得呢间野no next time希望想试嘅朋友仔都谂清楚！