聚泰國餐廳 (橫台山新村)

营业中

休息中

喺锦上路附近都有好几间泰国餐厅，呢一间喺比较接近石岗上村，喺呢度只要开车大约10分钟就可以去到大帽山。餐厅门口系有免费停车，但要注意车位不多喔！室外室内都设有堂食呢间餐厅其实都开咗一段日子，一直都有泰式同中式嘅饭面提供！L餐个青咖喱就麻麻哋啦，直情唔觉得有辣度。I餐串烧沙嗲餐好好食，有鸡牛猪可以拣，但真系要好有耐性，因为系即烧，佢同你讲话要等15分钟，你就预要等半个钟啰。中式午餐个选择都唔少，我个人及同事觉得特别出色嘅系6号餐及7号餐。呢度啲咖喱系黄色有少少辣度嘅，几好食。泰式肉碎煎蛋饭唔知系咪因为疫情关系好多人嗌左外卖，厨房做唔切，叫个饭最少要等半个钟。个个都系度催！催到忟！