東方小祇園齋菜

营业中

休息中

今日老娘想食斋， 于是就约埋个姊妹去呢间老字号 「 东方小祇园 」 食餐斋菜， 一齐斋口唔斋心，扮下善心咁啦，虽然我唔信佛， 不过我相信善心跟宗教冇乜嘢直接关系。我哋叫咗两碟𩠌，一定系罗汉斋炒面，另一碟系综合斋卤味。呢碟罗汉斋炒面炒得好有料到， 炒面煮得脆卜卜， 配搭啲罗汉斋素菜又好丰富又好有草青味， 呢个师傅嘅炒工好劲揪， 而且个芡汁勾得好劲好正，曾经喺厨师嘅我甘败下风。综合斋卤味，就系乜嘢斋卤味都有𠮶啲咁啰，有啲味道酸甜、有啲就辣辣地、有啲好淋嘅、又有啲好硬，唔同斋卤味就唔同味，不过总括来说的斋卤味都系好好味。老字号当然都系有啲料到， 不过啲职员嘅服务就真系， 唉算啦，唔讲啦。