旭

营业中

休息中

早排试咗位于希云街街尾嘅旭，佢地有有铁板烧同omakase，而当日就试左omakase set!当日既前菜有海胆豆腐、白螺同面豉酱青瓜，都系唔错既餐前开胃菜！刺身方面都有成5款咁多，打头炮嘅系深海池鱼薄切，淡身既白身鱼加酸汁一齐食，够晒开胃！梭子鱼烧香咗鱼皮，油脂渗出，白身鱼黎讲咁食可以增加风味！北海道毛蟹配马粪海胆，毛蟹鲜甜多汁，配埋新鲜嘅马粪海胆，简直系珍贵到不得了😎北寄贝同象拔蚌，爽口嘅贝壳类，配上少量嘅青柠一齐食，更突出佢嘅鲜甜！太刀鱼为中间嘅一款熟食，烧左都keep 得住juicy, 都好唔错！野生蓝鲸拖罗作为刺身嘅尾声真系不得了，同一般养殖嘅唔同，唔会剩系得入口即溶，反而鱼味更浓，呢个好好食！北海道白粟米真心劲甜，系刺身与刺身中间都叫做几好既间场！寿司方面，平目鱼淡淡嘅鱼香加埋酱汁一齐食都几正！池鱼既味道相对平目鱼较浓鱼味，肉质比较肥美，好味！但讲到我最钟意就非Bb鳕鱼莫属，油脂甘香但油份唔会过盛，入口即溶得黎又滑，好正！九州赤鯥都肉甜又爽脆， 又系另一种享受！北海道响螺鲜甜爽口，唔洗加好多调味都已经好好了！吞拿鱼酱油渍唔会过咸而唔会渍到影响左肉质，处理得唔错！呢个大拖罗加