越一越南牛肉粉專門店

营业中

休息中

很不幸地，因为家人有事入院，为食鬼收工飞奔到圣母医院。一轮探病之后，约8点都未食晚饭，决定系附近医下肚。逛一回见到有新开张既越一牛肉粉专门店，之前都只系听过上环有，估唔到系环凤街都开左间。注：店面装横都有心思既，见到唔少越南特式装饰品，而且佢仲不断有香薰从天花板既木板中漂出，颇有心思。 注：咖哩牛腩饭，$55。牛肉专门店应该牛肉系重点，不过主角却系咖哩汁，香浓得黎唔算辣，而且奶味重，算系有东南亚特色。牛肉唔老，但无想像中咁香，只系一般。份量亦略小，对男士黎讲会唔够饱。注：越式香茅猪扒饭，$52。依样就唔关牛肉事呀，但比起牛肉更正。猪扒肉比一般既厚，同埋有肉汁。食落唔会干之余，亦都够香，算系较好味。总结：为食鬼觉得越一价钱唔算话太平，小食亦都有啲贵，所以都无叫到。但咖哩汁同猪扒都算有亮点，加埋地方干净企理，加返分。