秋田日本料理 (已結業)

成日都去秋田，我自己去１０次总有８次以上食鱼生饭，５３蚊，有成１０多块鱼生，如果冇记错，通常都有３块三文鱼，２块吞那，２块不知名，仲有Ｄ蟹籽呀，蟹柳呀咁，都算抵食啦，仲有个面屎汤ＴＩＭ﹗而且佢个饭仲有Ｄ葱配埋，又夹得几好味﹗鱼生都新鲜，尤其三文鱼，肥美，又唔会话有阵雪味，咬落去真系有点幸福的感觉﹗此外，佢Ｄ定食都ＯＫ，约７０蚊，有沙律、两块三文鱼、汤、一味主菜同饭，都好抵食。我就系第一次食过网烧牛肉就成日帮衬，但佢个牛肉，可能来货唔同左，冇左第一次个Ｄ松软，入口即溶的感觉，而家Ｄ牛肉系入口即要大力赵，感觉就差Ｄ﹗所以我都系建议大家食鱼生类就最稳阵。