影片
更多
2008-03-30
7 浏览
琴日同女友下午去紅磡吃了聯記(四川菜)之後去行街街.因為下午食左辣野,夜晚大家都想食得較為清淡,所以決定去新興棧.大部份o既粥舖都係乜粥都有,但無一款係較為突出,亦有部份粥舖主打及第粥,牛肉粥或者雞粥.比較少主打魚粥o既粥舖,更少見o既係用盡一條魚所有部份,供唔同口味o既客人多款選擇.其實以前都來過新興棧食粥,幾鍾意佢地o既魚皮,不過可惜琴日無貨.最後我叫左魚咀拼牛肉粥,女友叫左魚卜拼魚咀粥,另外我地叫左一碟炒麵同油炸鬼.先講油炸鬼同炒麵,坦白講句係無乜特別,不過呢兩樣野並唔係主打,所以無所謂.而粥方面,粥底好綿好滑,牛肉及魚味都好新鮮同好滑,以前o黎食過魚腩粥,但我都係鍾意魚咀多d,因為好滑同埋無幼骨.至於女友食o既魚卜,我以前o黎都食過一粒.雖然唔算好腥,但心理上總係覺得腥腥地,所以一件起一件止.諗返起,其實我好細個o個陣都o黎個呢度食,o個陣有鯇魚刺身食,但基於衛生問題,而家都無機會食返咯!
大部份o既粥舖都係乜粥都有,但無一款係較為突出,亦有部份粥舖主打及第粥,牛肉粥或者雞粥.比較少主打魚粥o既粥舖,更少見o既係用盡一條魚所有部份,供唔同口味o既客人多款選擇.
其實以前都來過新興棧食粥,幾鍾意佢地o既魚皮,不過可惜琴日無貨.最後我叫左魚咀拼牛肉粥,女友叫左魚卜拼魚咀粥,另外我地叫左一碟炒麵同油炸鬼.
先講油炸鬼同炒麵,坦白講句係無乜特別,不過呢兩樣野並唔係主打,所以無所謂.
而粥方面,粥底好綿好滑,牛肉及魚味都好新鮮同好滑,以前o黎食過魚腩粥,但我都係鍾意魚咀多d,因為好滑同埋無幼骨.至於女友食o既魚卜,我以前o黎都食過一粒.雖然唔算好腥,但心理上總係覺得腥腥地,所以一件起一件止.
諗返起,其實我好細個o個陣都o黎個呢度食,o個陣有鯇魚刺身食,但基於衛生問題,而家都無機會食返咯!
张贴
