影片
更多
2008-03-30
7 浏览
琴日同女友下午去红磡吃了联记(四川菜)之后去行街街.因为下午食左辣野,夜晚大家都想食得较为清淡,所以决定去新兴栈.大部份o既粥舖都系乜粥都有,但无一款系较为突出,亦有部份粥舖主打及第粥,牛肉粥或者鸡粥.比较少主打鱼粥o既粥舖,更少见o既系用尽一条鱼所有部份,供唔同口味o既客人多款选择.其实以前都来过新兴栈食粥,几钟意佢地o既鱼皮,不过可惜琴日无货.最后我叫左鱼咀拼牛肉粥,女友叫左鱼卜拼鱼咀粥,另外我地叫左一碟炒面同油炸鬼.先讲油炸鬼同炒面,坦白讲句系无乜特别,不过呢两样野并唔系主打,所以无所谓.而粥方面,粥底好绵好滑,牛肉及鱼味都好新鲜同好滑,以前o黎食过鱼腩粥,但我都系钟意鱼咀多d,因为好滑同埋无幼骨.至于女友食o既鱼卜,我以前o黎都食过一粒.虽然唔算好腥,但心理上总系觉得腥腥地,所以一件起一件止.谂返起,其实我好细个o个阵都o黎个呢度食,o个阵有鲩鱼刺身食,但基于卫生问题,而家都无机会食返咯!
大部份o既粥舖都系乜粥都有,但无一款系较为突出,亦有部份粥舖主打及第粥,牛肉粥或者鸡粥.比较少主打鱼粥o既粥舖,更少见o既系用尽一条鱼所有部份,供唔同口味o既客人多款选择.
其实以前都来过新兴栈食粥,几钟意佢地o既鱼皮,不过可惜琴日无货.最后我叫左鱼咀拼牛肉粥,女友叫左鱼卜拼鱼咀粥,另外我地叫左一碟炒面同油炸鬼.
先讲油炸鬼同炒面,坦白讲句系无乜特别,不过呢两样野并唔系主打,所以无所谓.
而粥方面,粥底好绵好滑,牛肉及鱼味都好新鲜同好滑,以前o黎食过鱼腩粥,但我都系钟意鱼咀多d,因为好滑同埋无幼骨.至于女友食o既鱼卜,我以前o黎都食过一粒.虽然唔算好腥,但心理上总系觉得腥腥地,所以一件起一件止.
谂返起,其实我好细个o个阵都o黎个呢度食,o个阵有鲩鱼刺身食,但基于卫生问题,而家都无机会食返咯!
张贴
