日日香鵝肉飯店 (黃埔新邨) (已結業)

今日行去黄埔，咁就同朋友一齐去食饭，咁听讲呢度有间专系出名食鹅嘅餐厅，咁佢就带咗我试下。 唔讲废话我哋就叫咗以下:特级卤水鹅皇饭: 咁呢个包括有鹅片、鹅肾、鹅肝、鹅肠同鹅蛋， 咁其实呢个系我朋友order嘅，咁我都试咗少少，鹅肠都几新鲜几入味同爽口， 每一样鹅都份量十足，性价比高及真系足料。 我朋友有钱啲所以佢可以order到呢个。金牌卤水鹅片饭: 个鹅片饭啲鹅片都几多，而且每一嚿肉质真系唔错，坚系啖啖肉，系贵少少但绝对值得！ 因为本人好钟意食鹅片嘅。 当然compare我朋友order嘅鹅王饭系有啲距离，系好多配料但如果净系钟意食鹅片嘅人，咁就一定会order我呢一个饭。最后我同朋友饮埋杯冻柠茶就闪人，咁如果钟意食鹅嘅朋友，可以试下呢一间专系食鹅嘅餐厅。 个人觉得都唔错。