ENSŌ

营业中

休息中

食鸡都可以好满足、好滋味如果唔系朋友介绍，我都无expect过鸡肉串烧原来可以咁特别，咁好食~ 餐厅近海旁，感觉好chill。最搞笑系毛孩都有串烧ｍｅｎｕ！当日点了个omakase set, 有齐多款鸡肉串烧，仲有D唔系成日见到嘅鸡串烧部位，的确够特别！Order然后见到师傅烧串烧、洒盐，好有姿势又有实际。 先食个前菜：酸汁啫喱鸡胸串烧，估唔到鸡胸都软嫩，配埋爽口沙律菜，好开胃。之后就到串烧，有以下由“厨师发办”款式：✨大葱鸡肉串✨鸡胸肉✨鸡心✨鸡脾✨鸡肾✨鸡翼✨鸡皮个人最钟意食鸡脾、鸡皮，因为真系烧到超级香脆，鸡皮去晒油脂，师傅仲好有心思地加左惹味调味料，好香口且啖啖滋味。鸡脾烧到刚刚好，软嫩juicy，鸡肉味浓。不得不佩服师傅嘅功力，就连最普通嘅鸡翼，都可以整到不平凡。外层鸡皮烧到够香脆，薄薄一片鸡皮，配上分量刚刚好的海盐，带出味道层次，超香口。　另外仲有免治鸭肉串、鸡肉棒，配上兰王蛋超吸引。鸡肉棒入面都几多软骨，口感丰富。迷你鸡白汤布乌冬亦都好有特色，布乌冬薄薄地好滑身，鸡汤够浓。如果你希望食一餐chill d, 难忘D嘅，呢到的确系唔错选择。