好到底麵家

营业中

休息中

好多朋友推介，话个云吞面超级好食，所以就去试吓。叫咗牛腩面同云吞面，见枱面冇辣油，叫姐姐可唔可以比辣油，佢话得辣椒酱冇辣油， OK👌🏻，事出必有因，可能佢啲面配辣椒酱会好食啲，所以我尝试下。个牛腩非常非常非常一般，个面好好食👍🏻👍🏻👍🏻，冇碱水味又爽，可惜个汤底好似我喺屋企煲𠮶啲老火素汤咁，一啲都唔鲜，我唔排除好多人喜欢呢个汤底，但系我都系喜欢大地鱼汤底，配云吞面再配云吞。因为个牛腩非常一般，所以我心情已经唔系太愉快，这叫期望太高。云吞当然有虾有猪肉，但系真系冇咩特别⋯⋯我再试佢个辣酱，毫无惊喜。完。佢个面系好好嘅，再讲一次，非常之爽又冇碱水味，可以试下。