明乾小館 (裝修中)

尖沙咀竟然有新开既点心店，一向钟意食点心嘅我，当然唔可以错过啦！米网鸳鸯肠 $48卖相好靓，个皮好烟韧，真系名副其实嘅内软外脆，馅料有好多蟹肉同埋芹菜，口感好丰富。黑松露小笼包(4件) $68闻到好香嘅黑松露，好多汤汁，食嘅时候要好小心。彩虹虾饺(4件) $68虾饺皮系三只色，赏心悦目，入面馅料结实，有虾同猪肉，食落去都是满足的感觉。黑金流沙包(2件) $22流沙包入面嘅奶黄唔会好甜，调味恰当。荷香滋补黄鳝饭 $98呢个饭有好多虫草花，另外仲加咗姜同埋红枣，好有心思，黄鳝肉质弹牙，油香丰富，荷叶饭亦都好香。招牌杨枝甘露 $36甜品好足料，入面有超多芒果，为晚餐画上圆满嘅句号。