囍慶酒家

营业中

休息中

平日食晏好少去饮茶，咁啱有同事想去就去咗显径邨商场既「囍庆」试下，地方都好大同光猛，听讲话叉肠同蟹籽烧卖皇出名，当然要试下啦！ 叉肠真系好好食，皮好滑，唔会整得好厚，叉烧份量又足，值得再试。而蟹籽烧卖亦都唔错。 再黎有椒盐脆皮豆腐、萝卜千丝酥，豆腐滑当然唔使讲啦，但系佢炸得好好，外脆内滑，好香口但又唔会干争争，好好味，好快清晒！ 之后仲有沙姜大鸡脚，大大碟，平时去其他酒楼食通常呢啲鸡脚都好细只，但呢道系好大只同好入味，好够沙姜味，而且仲热辣辣添！ 甜品我地叫左蛋白炖鲜奶(其实想叫姜汁只皮奶，但原来叫错左)同埋擂沙汤丸，炖鲜奶其实都好味，好滑。返而擂沙汤丸我地觉得仲好味，烟烟un un同啲花生馅好香，几粒好快已食晒。 我觉得除左啲人讲既招牌菜好味外，其实其他点心都好好食，同埋真系碟碟都热辣辣上，唔系整好放好耐个啲，所以下次都会再去食过，值得推介。