如粵滬中菜廳 (已結業)

逢星期日都会同屋企人饮茶，咁啱今日要去荃湾海之恋个商场行街，于是就要揾啲地方可以坐下又可以慢慢食嘢。呢排好多酒店都推出唔同嘅优惠套餐，同长辈们食饭始终都系饮茶食点心比较适合。之前喺一啲讨论区见到如心酒店推出饮茶优惠，每一笼点心均一价都系30几蚊，同佐敦逸东轩𠮶个优惠差唔多，好抵食！不过呢个优惠比较好嘅原因，就系呢度嘅优惠竟然系星期一至星期日都有！最啱一家大细周末出巡嘅时候可以一家人喺酒店经济饮茶！虾饺、烧卖、叉烧肠、烟熏蛋、凤尾饺...... 全部点心品质都非常之优秀，绝不欺场，唔会话因为价钱平左就畀啲质素冇咁好嘅食品客人。而且呢度招呼周到，每台都会送酒精搓手液一支，喺呢段非常时期，小小举措已经显得特别贴心。