上海廳 (已結業)

黎食上海菜，去左上海厅，买完送又未够钟煮饭，一家人齐齐食少少野打下底，炒粉面饭似乎太饱，食几多点心饮下茶，叹下冷气先，咁鬼热都系留系有冷气嘅商场最正。位于商场出入口，装修几正，超高楼底唔会好嘈，虽然店内都系用尽最大力气叫出黎唔倾计，中国人特性你识条铁咩。野食几好味㗎，叫左蒜泥白肉，牛肉包，锅贴同酸辣汤云吞，本来想叫多个小笼包，不过下午茶食咁多好似夸张左。蒜泥白肉-肉滑，个汁甜甜地，粉皮又系滑，整体好味。牛肉包-煎得香，包皮软熟，牛肉馅多，再多啲京葱更好。锅贴-又系煎得香，皮厚，多汁。酸辣汤云吞-有5粒大云吞，个汤够酸够辣，好味。D位几好坐，有茶饮，几碟野都好味，算抵食啦，领展地头㖞，好贵租㗎。