清心齋 (已結業)

整得好食嘅糕点而家唔系随处可见，但系呢间我都成日帮衬，佢除咗有糕点，仲有斋卤味食，经常我也会买回家加𩠌。由细食到大嘅砵仔糕呢度都有得食到，但系好可惜只有黄糖味，想食白糖味就要再寻觅一下，佢嘅红豆够晒多，食嘅时候唔会觉得好粉好硬，口感又够弹牙，甜度适中，啱晒我用嚟果腹。另外桂花杞子糕都做得唔错，出边茶楼食嘅通常一夹就烂，但系呢度师父果然唔同，整得好实，感觉似啫喱够烟韧，透明嘅琥珀色见到处处布满桂花碎，味道清甜透心。