海記合桃坊甜品

营业中

休息中

平时都有食开呢间糖水舖，环境正常 味道唔算难食，今日带朋友食呢间，等咗一段时间先有人帮我哋落单，系57分落单，我同朋友两个一共嗌咗三样甜品，因为夜晚时间都比较繁忙，直至23分，有个短头发嘅阿姐企咗喺度望住我哋张单，跟住同我哋讲我哋食咗一个半钟已经好耐，系时候要离开。 我哋都好惊讶吃咗咁耐，睇返时间跟住都问返𠮶位短头发阿姐，点解会有个半个钟嘅结论？跟住佢唔出声走开咗，我哋都一头雾水，我哋都系有消费，而且我哋后面仲有一台三个人三个甜品，跟住当中有两个男人，佢哋逗留嘅时间仲耐过我哋，唔知道系咪因为见到我哋两个女仔，所以先行埋嚟赶走我哋。经过呢件事之后，唔会再选择呢一间舖，其实嚟嘢食本身都要时间，食咗根本20分钟都冇，简直不知所谓赶客走。