影片
更多
2017-01-04
2266 浏览
月中老婆卒之返完学，所以，同佢出街食番餐，今回佢连份功课都煞科埋，真喺乜都轻松晒，所以，费事煮两公婆出街食。大半年前到访过Cafe Paradise，知道佢嘅水准去到边，价位又唔太贵，对我哋嚟讲又算近近哋，所以，就选址晌度食。唔知喺临近年尾，定喺是夜喺周五，个场超多客，爆晒之余仲有少少人晌门外等位。店内环境装修简约，以白与蓝色为主调，配点闪亮嘅壁灯同水晶吊灯，我哋被安排晌最入面嘅二人枱，算得上全场最静局嘅位置！散叫餐牌包括沙律、小食、意大利饭、意大利面、主菜等类别，种类较为偏向意大利口味，不过主菜类就集多国大成。店员仲解释意大利饭、意大利面一栏，俾$118就可以将$58嘅菜式变为套餐，而俾$128就可以将$68/$73嘅菜式变为套餐，即喺多咗餐汤、沙律、甜品及餐饮，超划算。至于基本晚餐有7款主菜选择（$118-$208），包餐汤、沙律、主菜、甜品及餐饮，同样喺抵食之选。是日餐汤餐汤喺野菌忌廉汤，野菌打得幼细，故个汤嘅质感都几顺滑，然而，菌味不过不失，再强啲就故然更有个性，依家个味道都还可以。田园沙律今次嚟见佢个田园沙律唔再喺油醋汁捞沙律菜咁寡，而喺加咗啲车厘茄，粒车厘茄应该轻焗过，所以
唔知喺临近年尾，定喺是夜喺周五，个场超多客，爆晒之余仲有少少人晌门外等位。店内环境装修简约，以白与蓝色为主调，配点闪亮嘅壁灯同水晶吊灯，我哋被安排晌最入面嘅二人枱，算得上全场最静局嘅位置！
散叫餐牌包括沙律、小食、意大利饭、意大利面、主菜等类别，种类较为偏向意大利口味，不过主菜类就集多国大成。店员仲解释意大利饭、意大利面一栏，俾$118就可以将$58嘅菜式变为套餐，而俾$128就可以将$68/$73嘅菜式变为套餐，即喺多咗餐汤、沙律、甜品及餐饮，超划算。
至于基本晚餐有7款主菜选择（$118-$208），包餐汤、沙律、主菜、甜品及餐饮，同样喺抵食之选。
是日餐汤餐汤喺野菌忌廉汤，野菌打得幼细，故个汤嘅质感都几顺滑，然而，菌味不过不失，再强啲就故然更有个性，依家个味道都还可以。
田园沙律今次嚟见佢个田园沙律唔再喺油醋汁捞沙律菜咁寡，而喺加咗啲车厘茄，粒车厘茄应该轻焗过，所以，意外地又甜又茄味浓。
由于晚餐选择比较多红肉，如肉眼扒、猪手、牛仔肋骨、羊膝及猪鞍，咁啱个白酒海鲜薯意大利饭又无咗，所以，唔太啱佢食。就改为晌散点餐牌度拣，再转为套餐，结果同样拣番意大利饭。
海鲜南瓜汁烩意大利饭 $128（套餐价）散点就$73客，依家补多$55就转为套餐。南瓜汁意大利饭非首次食，晌Fiat Caffe嘅栗子菠菜南瓜意大利烩饭老婆就赞不绝口，但今晚晌度遇到嘅海鲜南瓜汁烩意大利饭，佢同样超赞。饭粒煮出嚟极致分明，入口好烟韧而咬口，带有浓香嘅南瓜味，海鲜料包括鲜虾、鱿鱼、青口及蚬肉，几鲜甜，用料不赖。
海鲜南瓜汁烩意大利饭
37 浏览
1 赞好
0 留言
208克所言非虚，上枱时件扒真喺有块面咁大，一身焦炭色，实在诱人，要求5乘熟，切几刀，都做到要求，带点血红却无血水渗出，肉质颇软腍，又有肉味，只喺有些微筋位。配菜有扒蕃茄、翠玉瓜同露笋仔，喺扒㶶咗少少，反而个薯蓉有惊喜，除面面加撮蟹籽，薯蓉内仲混入黑松露，真喺既软滑，又幽香。
208克美国顶级肉眼牛扒配烧汁
18 浏览
1 赞好
0 留言
芒果蛋糕 +$25晚餐甜品喺老婆最唔钟意嘅木槺布甸，但好就好在可以加钱转其他甜品，所以，二话不说就转个芒果蛋糕。其实卖相就有啲普通，好传统鲜果忌廉蛋糕，不过，海绵蛋糕松软有回弹力，忌廉打得幼滑，啲芒果亦鲜甜，做足基本质素，只喺款式叫大路啲。
意大利芝士饼 +$25外观睇落唔错，一层湿润嘅海绵蛋糕，一层马卡风芝士，不过，蛋糕所浸嘅咖啡酒唔够突出，亦唔够湿透，还好嘅喺啲芝士层软滑。然而，个人就唔钟意饼底加层朱古力脆饼，唔多夹意大利芝士饼嘅质感，而且，佢层饼底做得比较硬。比起上次嘅柠檬挞，水准有啲回落，亦无以前做出嚟嘅卖相好睇。
柠水、咖啡餐饮我哋就无刻意拣啲咩嘢，老婆健康缘由就拣热柠水，我就简简单单饮杯即磨咖啡，牛奶喺加热咗，感受到服务都唔马虎。
今晚再访，老婆好满意佢哋嘅菜式，亦对比起半年前光顾𠮶次，菜式都有改善及提升，服务方面仍保持礼貌、殷勤，感到一班后生女侍应几有活力。因为地点方便，老婆都话下次可以带朋友嚟一齐试。
张贴
