馬六

营业中

休息中

每次经过门口，我都见好多人排队，今日午餐忍唔住特登出嚟试一试。无骨海南鸡饭， 餐汤系冬瓜汤，几甜。 好大碗油饭，应该有2碗饭嘅分量，够哂饱。 海南鸡好嫩滑，又够油香，就算唔点佢嘅酱汁，都好够味。另一个饭系巴东牛肉配椰浆饭， 绿色饭够特别，椰浆味几香， 仲有少少炸鱼干仔同花生，增强口感，个人比较喜爱食椰浆饭多过油饭。 巴东牛肉带有少少辣味，肉质软淋，都唔错。加咗少少钱，追加两个小食，其中一个系马拉盏通菜，味道比较辣，但够惹味。另一个小食班兰咖央多士，上枱时只系微暖少脆， 班兰咖央酱较少，味淡，一般货色。