鈴夏食堂 (已結業)

呢间日式小店最近喺网上都几多人讨论，所以今日专登去试下睇下掂唔掂。 店里面只有好少座位，我谂都系十几个位左右。平日嘅夜晚7 点左右，唔洗等位可以直接入座。呢度嘅款式唔系好多，有饭、乌冬、薯饼同埋饮品。一向我都觉得餐厅如果野食做得好，唔需要有太多花款，反而应该系要贵精不贵多。今次叫左一个牛肉饭同埋一个蕃茄牛肉乌冬，另外再加多一个北海道芝士薯饼。先上左个牛肉饭先，佢个汁唔太浓，加埋只温泉蛋捞埋一齐食，个饭变得好滑，成个饭嘅感觉清清地，我觉得唔错wor！个蕃茄牛肉汤乌冬要等比较耐，一上枱好热。除左蕃茄同牛肉之外，个乌冬上面仲加左d 芝士粉。对比之下，蕃茄汤嘅味道较浓味，个乌冬都几弹牙，唔错啊！牛肉佢就唔算有太多，不过蕃茄又真系唔少wor，个味道几开胃，呢个都唔错。芝士薯饼最怕就系好油淋淋，呢个薯饼完全无呢个情况出现，芝士味亦唔算系太浓。呢间店面嘅设计令到食客可以一边食一边睇到厨房入面个厨师煮野食嘅情况。侍应亦都会主动加茶，成间舖得2个人，但系做野都好快！值得支持下啊！