壽司德 (已結業)

之前听讲话呢度嘅寿司水准不俗。趁假期偕太座一试...人流不多，似乎大部份人仍外游未归。席上差唔多所有客都系日本人，似乎有D计咁wor..大厨为一年轻日本师傅，带住两个香港师傅仔。其中一个仲好似响度练习紧切萝卜片...谂谂吓都系唔好咁大期望...其他甚么tempura都唔谂，只系叫个自选八件及十四件sushi set...望住张order纸，见到三文鱼，个心马上一沉；其他都系一D大路嘢如甜虾、蛋、飞鱼子、吞拿、油甘等等，有D失望，不过，呢D基本嘢有时仲考师傅功力呢...全部sushi都由年轻日籍大厨包办。睇见佢虽然要用多过三手先完成一件，功夫好似仲争D，但佢好专注，印象分增加唔少...卒之有得食。卖相确实不俗。整体水准算系可以嘅，特别系饭团，当然用上日本米，揑得不太实之余又没有散掉，醋嘅份量亦落得刚好，唯一美中不足系size太大件嘞，跟传统江户前寿司嘅习惯并不一样...此外，wasabi嘅份量似乎下得太多嘞，有D抢咗鱼嘅鲜味...鱼嘅新鲜度亦够。chutoro入口即溶亦有少许咬头；左口及油甘较清淡；可惜稍嫌鱼切得太厚身，所谓"吃巧不吃饱"ma...蛋嘅做法系用蛋入面卷住寿司饭嚟食，颇特别